الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 ادخلي ولا انتي بتندمين روايه من اروع الروايات الي قريتهم{معنات لقيطه}

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اصغر بنوته



المساهمات : 11
تاريخ التسجيل : 29/10/2010

مُساهمةموضوع: ادخلي ولا انتي بتندمين روايه من اروع الروايات الي قريتهم{معنات لقيطه}   الجمعة نوفمبر 26, 2010 2:46 pm

السلام عليكم


اليوم جبت لكم روايه روووووووووعه ان شالله تعجبكم

بس ابغاكم ردودكم اذا تبغون انزل الي بعدها

الروايه للكاتبه انين انثى

نبدء الروايه

** الشخصيات **




عبدالرحمن : زوج عبير ومتزوج عليها
عبير : عاقر وتبنت وحده من الدار (( تالين ))

ــــــــ

ابو جواد : زوج هنا
ام جواد : هنا اخت عبير وهي الوحيده واقفه مع اختها وشجعتها على التبني
جواد بطل الروايه
ليال


ـــــــ


ابو خالد : زوج منيره
ام خالد : منيرة اخت عبير طبعآ رافضه وجود تالين بينهم
خالد
مهند
ميس
مي
سهى


ـــــــــــ


ابو بدر : زوج هدى
ام بدر : هدى اخت عبير مع اختها منيره
بدر وبندر : تؤائم
ياسر
اغاريد
غدي
ريماس
راين


ــــــــــ



ابوفارس : فيصل اخو عبير ايضآ رافض وجو تالين بينهم
ام فارس : ساميه زوجت فيصل
فارس
اياد
لارا


ــــــــــــ


ابو ليان : حمد اخو عبير ايضآ رافض وجو تالين بينهم
ام ليان : منى زوجت حمد
ليان


ـــــــــــ


تالين : طبعآآ الكل عارفها من الدار وصديقتها امل



ــــــــــــ



وباقي التفصيل تعروفونها مع الاحداث



أول روايه لي روايه جامعه بين الواقع والخيال

الكاتبة : آنين أنثى
مسكين ياحرف تعب من همـومـه .... وسط الحشـا يـبـكي على حـربـلواه
راعيــه دمـعته علـيه مـحرومـه .... وده يــقــول وكـل شي تــمـنـاه
يسأل عن أمه وين عطف الأمومة .... ولـيـه أنـحرم من حقه اللـي تـمـنـاه
وأبـوه ويـنـه يـرتـدي مـن سلومـه .... يعرف طريـق الـخيـر ويـسير مسراه
قـالـوا لـقيط وراس مـاله هـدومـه .... وحــيــد مــالــه غـيـر زاده وسـكـناه
يـمـه عـيـون الـنـاس والله ظلومه .... وأنتم سبب للي حصل لي من أدناه
وحـيـد وأسواري جميـع مهدومـة .... لا عـم ولا خـلان ولا خــال ولا جــاه
كـل ٍ يصـيبه فـي حـياته خصومة .... ويـروح لأمه يشتكي من ضيم ماجاه
وإن جـتني ضيـق وغمـه لزومـه ... أروح لــدموعـي وأشـكـي مـن الآه
أعيـش ليلـي بيـن يقضـة ونومه .... وفـعـل الـخطـأ يابـوي هـذي سـوايـاه
يـارب نفسـي عايشة ومحرومة .... ذاك الـحـنـان اللـي كـثـيـرة مـزايـاه
يـارب مالـي غـيرك أحـد ٍ أرومه .... وهـذي شـكـاة اللـي زمـانـه تـوطـاه


في مكان بعيد عن العالم .. مكان ينقصه الحنان والعطف ..
مكان لايتمنى آي شخص كان أن يعيش فيه .. لكن هناك
من يسكن في هذا المكان المعزول عن العالم ..الكل يتسائل ؟؟؟ ياترى ماهذا
المكان .. قصتنا راح تبدأ من هذا
المكان المؤلم ماراح أطول عليكم ..



البارت (( 1 ))



في يوم من الأيام كنت نائمه بعمق
وكنت اتمنى ان استيقظ من هذا الحلم المؤلم .. دخلت على واحده من
العاملات اللي في الدار
قالت لي : تالين يلله قومي المديرة تبغاك
تالين : طيب شوي واجي
العامله : لا تتأخرين
تالين : طيب
طلعت العامله من الغرفة... وصارت تكلم نفسها ياترى ايش تبغى مني المديرة في هذا الوقت ؟ أن شاء الله خير
دخلت الحمام ( وانتم بكرامة ) وغسلت وجهها وطلعت وغيرت لبسها وراحت لغرفة المديرة
طق .... طق .... طق
المديرة : مين
تالين : أنا تالين
المديرة : تفضلي
دخلت وسكرت الباب
تالين : نعم أنتي طلبتيني
المديرة قامت من مكانها ومسكت يدي
وجلستني على الكنبه وأنا أناظرها وش عندها اليوم
المديرة : تالين أنتي ودك تطلعين من الدار
تالين : ودي بس وين أعيش ما أعر ف أحد برا الدار
المديرة : طيب أذا قلت لك انه فيه ناس يبغونك تصيرين بنتهم
تالين : ...
المديرة : وش قلتي ......؟؟؟؟
تالين : أصير بنتهم بهذي السهوله !
المدير : ليه ماودك ؟
تالين : صعب بكل سهوله تجي وحده وتقولي تعالي أنا بصير أمك أنتي تشوفينها سهله
المديرة : لا طبعاً مو سهله بس انتي بتعشين معها مو لازم تقولين لها يمه .. بعدين هذي اللي بتتبناك ماعندها أولاد ولا بنات يعني باختصار عاقر وزوجها طالب هالشي لانها ودها ببنت
تالين : طيب هي مافكرت أنها تأخذ طفل
المديرة : ماتبي طفل تبي بنت عمرها 18 يعني بعمرك
تالين : طيب مافكرت كيف بعيش معهم ؟ لاني ماراح افتش
لزوجها صعبه
المديرة : لا طبعا موسهله ولا صعبه زوجها متزوج عليها يعني
الفتره اللي يكون عند زوجته الثانية انتي تصيرين معها
تالين : والفتره اللي يكون مو موجود وين أروح ؟
المديرة : موجوده معهم بس ماراح تكونين قريبه منهم
لان فيه لك جناح خاص مالك علاقه بهم ... هاه وش قلتي
تالين : عطيني وقت افكر
المديرة : طيب خذي وقتك
تالين : الحين ممكن أطلع
المديرة : ممكن
طلعت تالين وهي تفكر بالعائله اللي راح تعيش معهم كيف راح تتعامل معهم طيب انا أمنيتي اني اطلع من الدار .. ليه يوم جاء هذا اليوم اني اطلع تضايقت ليه ؟ لان الحياة برا الدار صعبه وفيها مشاكل وغيرها وانا موقد هذي المشاكل يارب وش اسوي ... راحت لغرفتها علشان تنام بس مانامت لان الموضوع هذا شاغل بالها وقامت توضت وصلت علشان ترتاح ... بعد ما صلت وارتاحت حاولت انها تنام بس عجزت لان الموضوع مسيطر على افكارها وفكرت تعطي نفسها فرصه انها تعيش مع هالعائله اللي تمنتها أول ما طلعت على الدنيا تعطي نفسها فرصه تعيش حالها حال آي بنت عندها أم وأب واستقرت على هذا القرار ونامت وهي مقرره اذا صحت من النوم راح تقول للمديرة عن قرارها وشروطها ... طلع الصباح ... راحت تالين لغرفة المديرة
طق .... طق .... طق
المديرة : مين
تالين : أنا تالين
المديرة : تفضلي تالين,,,
دخلت وسكرت الباب وراحت وجلست بالكرسي المقابل لمكتبها وكانت في قمة التوتر
المديرة : تالين كنت راح اناديك لان اللي بتتبناك راح تسافر لمدة شهر وأذا رجعت راح تاخذك من الدار بس قبل تبي تعرف قرارك قبل ماتسافر يمكن تقولين ليه مستعجله بس هي ماصدقت انها ممكن تكون أم بعد 6 سنوات علاج لكن من دون فائده والحين أبي قرارك
تالين : مادري انامتردده لكن امس مانمت الابعد ما اخذت القرار اني اعطي نفسي فرصه اعيش جو عائلي اللي تتمناها كل بنت في الدار بس انا عندي شرط
المديرة : وشو شرطك
تالين : شرطي اذا مارتحت للعائله هذي ارجع للدار
المديرة : هذا شرطك
تالين : ليه مايصلح بعد ما اطلع انه ممكن ارجع مره ثانيه
المديرة : الا عادي بس استغربت شرطك توقعت تطلبين شي اكبر من كذا
تالين : اهاا بس مايصلح اشوفها قبل ما اطلع من هنا
المديرة : المفروض اليوم تجي تشوفك و تشوفينها لكن مثل ما قالتلك هي راح تسافر بعد ما ترجع تجي وتاخذك
تالين : اهاا شكرا ممكن اطلع
المديرة : ممكن
طلعت تالين وراحت لغرفة الجلوس اللي يجلسون فيها كل البنات كانت فيه وحدة من بين البنات صديقة تالين المقربه
جلست تالين جنبها
قالت لها امل : تالين وش فيك امس ما شفتك ابد
تالين : تدرين اني راح اطلع من الدار
امل : وش قلتي ... كيف .. وليه
تالين : وحدة اتصلت على المديرة قالت لها تبي وحدة تكون بنتها والمديرة اختارتني اناا
امل : طيب وبعدين ليه ماعندها عيال ولا بنات
تالين :على كلام المديرة ماعندها وهي عاقر
امل : طيب ليه ما اخذت طفل ولا طفله من ها لاطفال احسن لها
تالين : انا قلت للمديرة كذا قالت انها هي ماتبي تبي بنت بعمري
امل : وانتي وشو قرارك
تالين : وافقت بس شرطت عليهم شرط
امل : وشو شرطك
تالين : شرطي اذا مارتحت معهم ارجع لدار
امل : المديرة وافقت
تالين : ايه وافقت
امل : طيب انتي ليه زعلانه مو هذي امنيتك
تالين : صح هذي امنيتي بس كنت اعتقد انها احلام مستحيل يعني مجرد حلم بس ما توقعت يكون حقيقه وراح ابعد عنكم وعن الدار وراح ابعد عنك انتي صديقتي ماراح تكونين معي عرفتي وبعدين الحياة براا غير عن حياتي بدار فهمتي الحين
امل : يمكن يكون كلامك صحيح بس انتي جربي تصدقين اني راح افقدك ... طيب متى يجون ياخذونك ؟؟؟...
تالين : تقول بعد ما يرجعون من السفر ... طيب ما تحسين اني استعجلت ؟؟
امل : ... لا طبعا ما استعجلتي..
تالين : الله يعين ان شااء الله
امل : حلو هالفترة هذي فكري على راحتك ... طيب كم يوم
بتسافر
تالين : شهر
امل : حلو شهر يمديك تفكرين زين وتاخذين قرارك
تالين : تصدقين ياامل خايفه من الحياة الجديدة اللي راح اعيشها واخاف يرفضون اني اجي اشوفك بين فترة وفترة
امل في هذا الوقت سرحت تفكر شلون بتكون حياتها من دون تالين رفيقة عمرها وش بتسوي من دونها شلون تاكل وشلون تنام شلون تضحك ياالله الايام الجايه راح تكون صعبه بس ماراح تبين لتالين علشان ما تغير قرارها وبنفس الوقت تكون قريبه منها وتساعدها .....
في هذا الوقت المديرة في غرفتها بعد ما طلعت تالين من عندها اخذت تدور على رقم العائله اللي راح تعيش معها تالين بعد مالقت الرقم دقت عليها
المديرة : الووو
.. : هلا
المديره : السلام عليكم
..: وعليكم السلام
المديرة : معك مديرة دار الايتام انتم قبل فترة طلبتو بنت من الدار علشان تكون بنتك صح

.. : ياهلا والله ... ايه صح
المديرة : لقينا البنت اللي تبينها وبالعمر الي تبين
.. : طيب البنت وافقت
المديرة : ايه وافقت بس عندها شرط
.. : عندها شرط !!! وشو شرطها انا مستعده انفذ كل شروطها
المديرة : هي ما تبي اي شي شرطها الوحيد انها اذا مارتاحت معكم ترجعونها للدار مهما كانت المدة اللي راح تعيشها معكم
.. : خلا ص انا موافقه
المديرة : حلو لازم تجون علشان اجراءات خروجها من الدارعلى كفالتكم ولازم تجين تشوفينها وتشوفك يصلح اليوم تجين
.. : مادري بس شوي وعطيك خبر مع انه ما فيه وقت لاني بسافر
المديرة : ادري انك بتسافرين بس المفروض انك تجين وتشوفينها وتشوفك
.. : اوكي احاول اذا فيه وقت
المديرة : اوكي راح اكون بانتظارك
.. : مع السلامه
المديرة : مع السلامه
سكرت الخط من مديرة الدار وراحت تكلم اختها وتقولها
عبير : الووو
هنا : هلا عبير
عبير : هنا وافقت البنت انها تعيش معي ...
هنا : حلو وش اسمها
عبير : مادري من الفرحه نسيت اسألها عن اسمها بس يبوني اجي اشوفها
هنا : ايه لازم تشوفينها
عبير : اخاف ما تعجبني وأكسر في خاطرها
هنا : الله يصلحك يوم اقولك انتي روحي اختاري رفضتي والحين وش بتسوين
عبير : مادري والله
هنا : طيب وش رايك تروحين الحين تشوفينها
عبير : مايمدي لاني بسافر نسيتي
هنا : لا مانسيت كلها دقايق وترجعين ماراح ياخذ من وقتك شي كثير
عبير : مين يوديني
هنا : ولدي جواد
عبير : هو عندك
هنا : ايه عند ي
عبير : خلاص ابدق عليها
هنا : يلله واخلي جواد يجي لمك
عبير : مع السلامه
هنا : مع السلامه
سكرت الخط من اختها وناظرت في جواد وقالت : جواد يمه
جواد من غير نفس : نعم
ام جواد : قوم روح لخالتك ودها لدار
جواد : اي دار
ام جواد : دار الايتام
جواد : وش تبي فيه
ام جواد : لان تبي تتبنى بنت من الدار
جواد : يمه صادقه انتي وش هالكلام
ام جواد : وش فيها مو ادميه حالها من حالنا
جواد : مو عن كذا بس انتي تعرفين نظرت المجتمع للقيطات
ام جواد : وهي وش ذنبها وبعدين حنا ما علينا من المجتمع على قولتك
جواد : مالها ذنب بس انتي عايشه وسط المجتمع
ام جواد : اقول لايكثر روح لخالتك بس اياني وياك تفتح معها الموضوع فاهم
جواد : اوكي
طلع جواد من بيتهم وهو مو مقتنع بفكرة امه وخالته
عبير : الوو
المديرة : نعم
عبير : انا عبير اللي قبل اشوي كلمتيني
المديرة : المعذرة ما نتبهت للرقم
عبير : مو مهم بس انا لقيت وقت قصير ابغى اشوف البنت كلها دقايق بس
المديرة : طيب انا في انتظارك وراح ابلغ البنت كمان
عبير : معليش انا ما اعرف وش اسمها
المديرة : اسمها تالين
عبير : ماشاء الله اسمها مرة حلو ... ياالله ما اطول عليك
المديرة : حياك الله حنا في انتظارك
عبير : مع اسلامه
المديرة : مع السلامه
عبير من وناستها ما عرفت كيف تتصرف او تعبر عن مشاعرها
فابكت لانها بعد كل هالسنين بيكون عندها بنت صح انها مو بنتها بس اهم شي بتكون مثل بنتها ودق جرس الباب وراحت تشوف مين عند الباب شافت ولد اختها على طول اخذت عبايتها وشنطتها وراحت وهي تركض والفرحه مو سايعتها اخيرا راح تكون عندي بنت وراح تناديني (( يمه ))
هنا وقفت مكانها ياترى بتقولي يمه على طول ولاراح انتظر بعد سنين على ماتقولها ياالله اللي صبرني كل هالسنين يصبرني كم سنه علشان تقول يمه .... وطلعت من البيت وركبت مع ولد اختها .....
عبير : السلام عليكم
جواد : وعليكم السلام شلونك ياخاله
عبير : مادري متوترة مره وفرحانه مادري كيف اوصفلك شعوري
جواد : كل هذا علشان بتاخذين البنت اللي في الدار
عبير : وانت على بالك الموضوع سهل انك ما يكون عندك العيال
جواد : طبعا لا مو سهل ولكن .....
قاطعة عبير : انت مو متزوج ولا راح تعرف احساسي اللي جواتي الا بعد ما تذوق طعم الحرمان
جواد : انا ماقلت شي بس كان صبرتي
عبير : ماعاد فيني صبر اكثر خلاص لو عندي بنت او ولد كان الحين هم كبرك او اكبر منك انا وصلت لسن اليآس ما فيه امل انجب بعد هالعمر وان حملت راح اجيبهم مشوهين او مريضين وانا مو قد هالشي فهمتني
جواد من غير اقتناع : ايه فهمتك
عبير : اتمنى انك فعلآ فهمنتي
ووصلوا للدار ونزلت عبير ودخلت الدار علشان تقابل المديرة والبنت اللي راح تتبناها
ودخلت عبير على المديرة : السلام عليكم
المديرة : وعليكم السلام .. ياهلا والله
عبير : ياهلا والله فيك
المديرة : تفضلي
عبير : زاد فضلك
وجلست عبير وراحت المديرة للسكرتيرة علشان يقومون في الضيافة وينادون على تالين
رجعت المديرة : ياهلا والله ومسهلا
عبير : هلا فيك .. انا مستعجله وابغى اشوف البنت واجلس مهعا لوحدنا ممكن
المديرة : اكيد ممكن هذا من حقك
عبير : مشكورة بس ياليت تستعجلينهم لان ما عندي وقت كافي .
المديرة : ان شاء الله
جت المديرة بتقوم علشان تخليهم يستعجلون وينادون على تالين
طق الباب طق ... طق ... طق
المديرة : تفضلي
تالين دخلت وسكرت الباب
المديرة قامت وراحت لها وقالت : اخت عبير هذي تالين اللي قالت لك عنها .... تالين هذي عبير اللي راح تتبناك وتعيشين معها اوبختصار اللي راح تكون امك تالين انا ابطلع وانتي اجلسي معها وتكلموا مع بعض
تالين بحياء: اوكي
طلعت المديرة من الغرفة علشان يجلسون لوحدهم راحت تالين لم عبيربحياء : السلام عليكم
وعبيرقامت وسلمت عليها : وعليكم السلام .. كيفك ياتالين
تالين : الحمدالله طيبة وانتي
عبير : الحمدلله بخير ... امممم تالين انتي تعرفين وضعي صح
تالين : ايه ادري
عبير : حلو يعني تدرين اني ما عندي عيال ولا بنات وعاقر
تالين : ايه قالت لي المديرة
عبير : وايش قالت لك بعد
تالين : قالت لي انه زوجك متزوج عليك هو مو عايش معك بس بين فترة وفترة يجي لمك
عبير : حلو تعرفين عني كل شي
تالين : طيب ليه ما اخذتي طفل وتربينه على كيفك ويصير ولدك من الرضاعه
عبير : حلو سؤالك فكرت بس صعبه لان انا كبيرة بالسن وزوجي مو عندي والطفل يبيله عنايه ومن دون التطعيمات وغيره وانا مو قد هالشي
تالين : مادري وش اقولك بس انا ما عشت مثل حياتك يمكن حياة الدار غير عن الحياة برا وهذا اللي مخليني اشرط عليك شرط اني اذا مارتحت ارجع لدار
عبير : وانا وافقت على شرطك حتى انا مثلك بس ان شاء الله راح نتخطها جميع يعني مع بعض ما ابغى اكون ام وبس ابغى اكون صديقتك كمان اوكي اتفقنا
تالين : اوكي مع انها صعبه بس بحاول
عبير : اوكي انا الحين بروح لان ولد اختي ينتظرني برا
تالين : ....
عبير : ياالله مع السلامه وانتبهي على نفسك اوكي يمه
تالين : ان شاء الله مع السلامه
وتصافحوا وطلعت عبير من الدار وركبت السيارة من الفرحة تصيح
استغرب جواد حالتها : ياخاله وش فيك
عبير : ما فيني شي بس من الفرحه
جواد : لهدرجه اعجبتك البنت
عبير : ماتتخيل كيف البنت ذوق اخلاق هاديه مع انها ما قالت شي عن نفسها لكن اعجبتني حلوة ومؤدبه وانا ايش ابي اكثر من كذا
جواد : من جلسه وحده حكمتي عليها
عبير : لا طبعا الجلسه الثانيه راح تكون عندي في البيت
جواد : على طول
عبير : ليه انت مو عاجبك
جواد : عفوا مو قصدي كذا بس استعجلتي يعني اسالي عنها اول
عبير : نسال مين
جواد : مديرة الدار البنات اللي تجلس معهم
عبير : انا قلت للمديرة عن مواصفات البنت اللي ابغها واختارت لي هذي
جواد : ما تخافين انهم يغشونك
عبير : بايش يغشوني
جواد : كم دفعتي لهم
عبير : ما فيه دفع فيه بس اجراءات كفالة بس يعني انا ما شتريتها
جواد : اهااا
عبير : انا حاسه انك مو مقتنع في كلامي
جواد : بيني وبينك مو مقتنع في اساس الفكرة
عبير : ليه
جواد : ياخاله انتم مافكرتوا في المجتمع ونظرتهم للبنت القيطه
عبير : اللي يمشي وراء الناس راح يتعب وبعدين المجتمع مالهم دخل في حياتي انا مصره اتبناها واذا قصدك علشان الكلام راح يتكلمون كم يوم ويسكتون
جواد :طيب ما فكرتوا بمشاعرالبنت شلون راح تواجه الحياة ما فكرتي شلون راح تتزوج ولا بس اهم شي عندي بنت واكون امها وبس
عبير : جواد تكفى لا تصعبها علي وبعدين وش يعرفهم الناس انها لقيطة
جواد : شلون وش عرفهم انتي راح تحبسينها في البيت
عبير : لا طبعا
جواد : خلاص هم يعرفون انك ما تنجبين
عبير : الله يعين
جواد : اسف ياخاله مو قصدي بس
قاطعته : ادري اانا ما فكرت في هذا كله غلبت علي عاطفتي اني اكون ام وعندي بنت
جواد : الحين لازم تفكرين كيف راح تصارحين العالم ان البنت اللي تبنيتيها لقيطة
عبير : انا ما علي من الناس اهم شي انا
جواد : ادري ياخالة بس البنت راح تعيش وسط الناس
عبير : الله يعين وبعدين الناس كم يوم وراح ينسون انا افكر كيف راح تتقبلونها ولا لا لانها شارطه شرط
جواد : طرار ويتشرط
عبير : وش فيها اذا شرطت مو من حقها
جواد : اسف ياخالة ... وشو شرطها
عبير : اذا ما رتاحت راح ترجع لدار
جواد مستغرب : ليه هي تحصل تعيش معك
عبير : جواد وش جاك اليوم لا تنسى انها هي عايشه في الدارما تعودت تعيش خارج الدار لان الحياة في الدار غير عن الحياة خارج الدار فهمت
جواد : ادري ومن الحين ياخالة اقول شهر باالكثير وراح ترجع لدار لانها ماراح تتحمل الحياة برا الدار
عبير : لية تفاول علي يمكن تبقى معي العمر كلة
جواد : ان شاء الله






هذا بارد اذا تبغون الي بعده اكتبوا ردوركم لا تبخلون علي
ترى الروايه مرررررررررررررره روووووعه


تحيات اختكم :اصغر بنوته

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اصغر بنوته



المساهمات : 11
تاريخ التسجيل : 29/10/2010

مُساهمةموضوع: رد: ادخلي ولا انتي بتندمين روايه من اروع الروايات الي قريتهم{معنات لقيطه}   الجمعة ديسمبر 03, 2010 2:59 am

[font=Arial Black] بنات ردو تر والله الروايه جنان بس ردو تبون اكمل ولا لا[/font] Sad Sad Sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رهووووفه
بنوتة فعالة
بنوتة فعالة
avatar

المساهمات : 103
تاريخ التسجيل : 02/03/2011

مُساهمةموضوع: رد: ادخلي ولا انتي بتندمين روايه من اروع الروايات الي قريتهم{معنات لقيطه}   الإثنين مارس 07, 2011 8:15 am

يعطيكي الف عافيه ايه كملي ياغلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اصغر بنوته



المساهمات : 11
تاريخ التسجيل : 29/10/2010

مُساهمةموضوع: رد: ادخلي ولا انتي بتندمين روايه من اروع الروايات الي قريتهم{معنات لقيطه}   الجمعة مارس 25, 2011 7:28 pm


سوري على التئخير بس ماتوقعت احد يعبرني

وهذا بارت لعيونك Smile Smile


بااارت ((2))

نرجع لدار في حديقة الدار كانت جالسة امل تفكر كيف راح تكون حياتها من بعد تالين او كيف راح تعيش برا الدار ,,الحياة برا الدار صعبة الناس برا غير عنا حنا قلوبنا على بعض هم لا يارب انك تعينها وتكون معها حيث تكون يارب انك تيسر لها امورها وتبعد عنها كل من فيه شر وتحميها من عيون الناس وظلمهم جت لها تالين وجلست جنبها
تالين : امل وينك قلبت عليك الدار مالقيتك ولية جالسه هنا لحالك
امل : ابد حبيت اغير جو وبعدين هنا الجو حلو اتركيك مني الحين وقولي لي وش صار عليك ؟؟؟
تالين : اسكتي ياشيخة
امل : لية وش صار
تالين : طول ما انا جالسه معها متوترة كلمتين على بعض ما تكلمت هي طول الوقت تتكلم
امل : طيب ماسئلتك عن نفسك عن حياتك
تالين : لا بس هي ما معها وقت يعني طلعت من هنا على طول راحت للمطار يعني جت تشوفني
امل : طيب حسيتي من كلامها انها طيبه ولا يعني ولا طيبه من هنا وهي من هناك
تالين : حسيت من كلامها انها طيبه مره وعلى نياتها بس هي تحاول تخفي هالشي
امل : لية
تالين : تخاف اني اكون طمعانه فيها
امل : بس هالشي ماراح يبين اول جلسة وخصوصا ان جلستك معها قصيرة مرة
تالين : مادري انا احس اني استعجلت بقراري اني اعيش معها
امل : لية
تالين : مادري خايفة .... انا طلعت على الدنيا وان في الدار صارلي 18 سنة ولا تبيني اخاف وانتي تدرين ان الحياة برا الدار غير عن حياتنا هنا
امل : طيب استخرتي وبعدين ماراح تندمي سوآ انك قلتي قرارك قبل ما تطلعين او بعد ما تطلعين بكل الحالتين اذا ما اعجبتك الحياة برا راح ترجعين
تالين : صح كلامك بس انا خايفة اهلها ما يتقبلوني لاني فهمت من كلامها انها عادي تقعد عند اهلها شهر بحكم ان زوجها مو لمها بل مرة
امل : شوفي بالبداية ماراح يتقبلونك مع الزمان اذا اعرفوك راح يحبونك
تالين : الله يعينني عليهم راح اعيش ايام صعبة وانتي مو معي شفتي شلون كيف انا راح اعيش حياتي حرمان من اولها والله يستر من تاليها
امل : تالين لا تقولين كذا ماتدرين وش مخبي لك القدر يمكن تكون حياتك ازين من عيشتك هنا
تالين : امل انتي تكذبين علي ولا على نفسك انا ما اعرف من هي امي ولا اعرف من هو ابوي يعني ان جاية عن طريق الحرام مو مثلك انتي شفتي اهلك شفتي امك وابوك لك ذكرى معهم انا لا ما اعرفهم حتى ما شفتهم هم استكثروا علي حتى حياتي بس علشان يشبعون نزواتهم ...... هنا تالين ما قدرت تكمل كلامها بكت على كتف امل وامل ضمتها بقوة ..............
امل : خلاص ياتالين تكفين خلاص انا الحين اروح للمديرة واقولها انك ما تبين تعيشين مع عبير خلاص تالين
تكلمت تالين وهي تبكي : خلاص مايمديك لا ن عبير سوت اجراءات الكفالة ومعها كل الاوراق يعني لو انا بروح وقولها ما بي اطلع تقولي مو على كيفك لازم عبير تجي وتوقع تنازل فهمتي
امل : وهذا اللي مخوفك..
تالين : اية
امل : طيب انتي جربي الحياة برا ماراح تخسرين شي
تالين : تدرين اني افكر لية اختارتني وما اختارتك او اختارت وحدة من البنات اللي هنا مع انها تدري اني لقيطة هذا السؤال محيرني
امل : سالتيها
تالين : لا ما سالتها ومادري كيف راح اسالها
امل : المرة الجاية اسأليها ... والحين ياحلوة خلينا ننسى طلعتك ونستانس وننبسط قبل ما تروحين وتخليننا
تالين : وش نسوي
امل : خاليني افكر اممممممممم لقيتها
تالين : وشي
امل : وش رايك نقول للمديرة تودينا لرحلة او تخلينا نطلع او نروح لاي مكان وش رايك ؟؟
تالين : حلوة الفكرة ياالله
امل وهي تقوم : ياالله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
جواد بعد ما وصل خالتة للمطارراح لبيتهم ودخل وقال للخدامة تجيبلة موية
جت امة لمة وقالت له : قواك الله يمة
جواد : الله يقويك
ام جواد : وصلت خالتك
جواد : اية وصلتها
ام جواد : كيف حالها بعدما طلعت من الدار
جواد : شلون !! متحمسة حيل واللي حسيته منها انها فرحانه
ام جواد : قلت لها شي ضيق خاطرها تراي اعرفك مستحيل تسكت لازم تحطم الواحد
جواد : هي فتحت معي الموضوع من قبل ما نروح للدار
على جيت ليال سمعت اخر كلة من جواد (( للدار )) وجلست
ليال : وش سالفة الدار ؟؟ وش داروه ؟؟
ام جواد : وانتي وش دخلك (( طبعا الحريم الكبار طبعهم انهم يغبون عن عيالهم حتى الاشياء الصغيرة ))
جواد : خالتيـــــــ .....
وقاطعته امه : جواد خلاص اسكت
جواد : وراه اسكت لازم تدري وهذا الموضوع مافيه تغبات ليال لازم تدري سوا الحين او بعدين
ليال : خرعتوني وش فيها خالتي ؟؟ وش دخلها من الدار
جواد : خالتي عبير تبنت وحدة من دار لايتام يعني وحدة لقيطة فهمتي
ليال : الحمدلله على بالي خالتي فيها شي ولتفتت لمها ... وهذا شي اللي ما تبيني ادري عنه الله يهديك يمة
جواد : المهم وش رايك في فكرة خالتك
ليال : بيني وبينكم الصراحة مالها داعي
ام جواد : لية مالها داعي
ليال : لان المجتمع ما يتماشى مع هذا الوضع نظرة المجتمع للبنات القيطات انهم بلا اخلاق وخالتي ما فيها حيل انها تتحمل نظرات الناس وكلامهم همساتهم ولا غمزاتهم ولا تجديع الكلام
جواد : هذا اللي تو اقوله لخالتي بس ما عطتني فرصه
ام جواد : وحنا وش دخلنا من الناس
ليال : وراه وش دخلنا حنا عايشن وسط الناس حنا جزء من الناس اللي تتكلمين عنهم
ام جواد : الله يعين عبير عليكم ........... وراحت وهي ضايق صدرها ان عبير راح تعاني من اهلها قبل الناس الله يعينك عليهم بس حطت شي في بالها انها ماراح تتخلى عن عبير وراح تساعدها ..........
جواد : ليال تتوقعين اننا زودنها بدل ما نوقف مع خالتي عارضنها
ليال : مادري بس فعلآ لازم خالتي تعرف انها غلطة انها اختارت هذي البنت بذات لوهي اختارت بنت مالها احد احسن يعني امها وابوها مايتين احسن لها
جواد : مادري بس خالتي تو كانت فرحانه حيل لانها راح تاخذ البنت واللي خلاني احس بالتانيب انها مصره انها تاخذالبنت وما عليها من احد وقالت الناس راح يتكلمون كم يوم وراح ينسون وهذا اللي خلاني احس اني هنا لي دور اني اوقف معها وشجعها مو احبطها
ليال : تصدق ياجواد لو هي اخذ بنت يتيمه احسن من انها تاخذ بنت لقيطة
جواد : لوجيتي لصدق حتى لو اخذة بنت يتيمة راح يتكلمون عليها علشان كذا قالت راح اخذ اي بنت سوا لقيطة ولا يتيمة راح يتكلمون
ليال : مادري والله بس الله يعينها على العالم
جواد : بس تصدقين مو لازم نوقف معها
ليال : مادري يمكن لازم نوقف معها حتى لو حنا مو مقتنعين
جواد : خلي قناعتك لنفسك يعني بينك وبين نفسك لا تقولينه لخالتك هي محتاجه لنا اننا نوقف معها
ليال : الله يعين كيف راح اقنع الناس وانا مو مقتنعه بس بيجي يوم راح انفجر عليهم وهذا الشي مابيه
جواد : من قالك اكتمي فضفضي لي او اكتبية بورقة احسن لك
ليال : فكرة بس ماقلت لي كيف راح اقنع الناس وانا مو مقتنعة
جواد تراجع عن قراره : خليك على رايك ... يالله عن اذنك ابطلع انام
ليال : وين تنام وتخليني كذا
جواد : بروح انام شوي عندك شي قوليه بعدين وقولي لامي اني نايم
ليال : انت لية ما تقولها
جواد : لاني مادري وينها ومالي خلق ادورها
ليال : مو شغلي انت روح قولها
جواد : ليال وبعدين معك
ليال : كيفي ماودي
جواد : طيب ياليال تشوفين
ليال : تهدد انت وخشتك
جواد : شوفي انتي قاعدة تسبيني وانا من طيابتي ساكت لك
ليال : بسم الله عليك ياطيب
جواد : تدرين عاد انتي اللي راح تروحين لامي وتقولين لها اني نايم شفتي عاد ياحلوة
ليال : ماتلاحظ انك اخذ بنفسك مقلب
جواد : لية
ليال : لانك واثق اني راح اقولها
جواد : واذا قلت لك انك راح تروحين وراسك تحت رجلينك
ليال : لا والله اقول روح هناك مو فاضيه لك
جواد : ليه وشو شغلك ما عندك شي بس توجوجين سويلي خدمه مره في حياتك
ليال : يااخي كيفي ماودي
جواد : انا غبي جالس اترجى فيك اقول بس روحي لامي تراوالله اذا قمت وقالت لي امي انك ما قالتيلها والله مو احسن لك فاهمة !!
ليال : ياثقل دمك اذا صرت جدي راحت وخلته
جواد قام يترقص من الوناسه لانه انتصر على اخته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
نرجع للدار والبنات راحو وقالوا للمديرة انهم ودهم يرحون لرحلة قبل ما تطلع تالين من الدار طبعا وافقت المديرة وراحو االبنات يقولون للبنات وصار زالزال با الدار من الفرحه البنات وصراخ وهبال علشان بيطلعون من الدار
امل : تصدقين ما توقعت المديرة توافق بسرعة
تالين :صادقة حتى انا توقعتها راح ترفض بحكم ان حنا بنات وصعبه تطلعنا الى اي مكان
امل : صح بس الحمدلله وافقت اننا نطلع تتوقعين وين راح يطلعوننا
تالين : انا مادري بس يمكن يودوننا لسوق بس مادري وانتي
امل : مادري يمكن منتجع
تالين : لا ما اظن صعبه اصلا
امل : لية صعبة لاننا بنات يعني
تالين : اية لابعد اغلبنا اللي في الدار لقيطات وبعضهم ايتام
امل : يمكن بس حتى السوق صعبة
تالين : خلاص نتظر وين راح يودوننا احسن كذا نكون ما ندري وين راح نروح علشان نتحمس اكثر
امل : ايه والله صادقه
تالين : عن اذنك بروح اتسبح
امل : حتى انابروح ياالله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
قام على اصراخ وهبال وهو تو نايم تضايق وطلع راح يشوف من وين مصدر الصوت طلع وشاف اختة تصرخ بقوة حس انه فيها شي نزل بسرعة يشوفها
فارس : لارا وش فيك
لارا في قمت وناستها : فارس تدري ان بكرا راح نروح للبر ونااااااسه
فارس ماسك اعصابه علشان اذا ضربها يضربها على حق : وهذا الي مخليك تصرخين كذا هاه
لارا تكلمت على نياتها ما تدري وش راح يجيها : ايه اقول راح نطلع للبر تقولي هذا اللي مخليك تصرخين يابابا بنطلع للبر
فارس في قمة عصبية : اضربك على وجهك علشان تعرفين كيف تردين
لارا وفق راسها استفهامات : ليه وش قلت انا
فارس : ابد سلامتك ما قلتي شي انا اتبلى عليك
لارا : فارس وش فيك
فارس : توي جاي من الدوام ابي انام يجيني صوت عالي على بالي فيك شي تصرخين قلت اكيد فيك شي وبالاخير يطلع بنطلع للبر
لارا : اسف على بالي انك ما تسمعني اسفه .......... وراحت
فارس : استغفر الله العظيم على هذي الحالة اف ..... طلع فوق علشان يرجع ينام
لارا راحت للمطبخ وشافت امها كنت عابسه تكلمت امها : لارا ليه عابسه قبل شوي اسمع صوتك مسويه زلزال والحين عابسه
لارا تتكلم من غير نفس : احبطني فارسوه وقالي لا تصرخين ابي انام
ام فارس : يعني لازم تصرخين
لارا : ايه لازم اجل وش الفايدة من الفرحه
ام فارس : الحمدلله وشكر الله يعقل عليك يابنيتي
لارا : الله يهديك يمه لية قالولك خبلة
ام فارس : ايه اجل ما تفرحين الا اذا صرختي وانهبلتي
لارا : ايه اجل تبيني افرح ببرود واوزع ابتسامات
ام فارس : روحي طلعي اهبالك بعيد عني وعن اخوك
لارا : اف الواحد مايفرح ابد عندكم اف قهر وطلعت وهي منقهرة من اخوها وامها
ام فارس : الله يهديك يابنيتي مادري متى راح تعقلين
راحت لارا تكلم بنت عمتها ارين
لارا : الو
ارين : الوو
لارا : اهلين

ارين : اهلينات ... وش فيك
لارا : فاتك تو جتني تهزيئه محترمه
ارين : من مين ؟؟
لارا : اول شي من فارسوه وبعدين امي
ارين : طيب ليه
لارا : لاني قاعدة اصارخ
ارين وهي تضحك : هههههههههههههه وليه تصارخين
لارا : لاننا بنطلع للبر ......... انتم ماراح تطلعون
ارين : الا بنطلع بس مالة داعي تصرخين مو اول مره نطلع
لارا: ادري بس من زمان بخاطري نطلع وجت الطلعة
ارين : ياحليك والله انك خطيرة تستاهلين لية تصرخين اعقلي ثم عاد ما تعرسين هههههههههههههههههههههههه
لارا: تستهبلين مع خشتك انا الغلطانه اني كلمتك
ارين : لا تكفين هههههههههههههههه
لارا : خلاص اف
ارين : ههههههههههههه المهم سمعتي عن خالتي عبير
لارا : انها بتسافر
ارين : لا مو كذا قصدي انها راح تتبنى وحدة من دار الايتام
لارا : وانتي وش دراك
ارين : ليال قالت لي
لارا : والله كيف و شلون
ارين : هما خالتي عبير ما تجيب عيال اوبالاحرى عاقرايه عاد تبنت وحدة من الدار
لارا : يعني البنت هذي يتيمه مالها احد
ارين : الي فهمتة من ليال انها لقيطة
لارا : لية غريبة لية تاخذ وحدة لقيطة والناس وش راح يقولون عنها
ارين : انا قلت مثلك بس الظاهر خالتي ملزمه على قرارها
لارا : عاد عمتي اذا قررت خلاص لو ايش ماتغير من قرارها
ارين : ايه صادقه طيب انتي اش رايك
لارا : والله رايي الفكرة مالها داعي بل مرة
ارين : وانا اقول مثلك
لارا : يعني بكرا بتجي معنا
ارين : لا ماراح تجي نسيتي انها مسافرة
لارا : ايه صح طيب سافرت معها
ارين : لا
لارا : شلون
ارين : يعني اذا جت من السفر راح تجيبها عندها فهمتي
لارا : اها يعني خلاص
ارين : على كلام ليال انها خلاص خلصت اجراءات خروجها من الدار
لارا : عمتي مستعجلة مرة طيب مادامها بخاطرها الفكرة كان اخذت وحدة يتيمه يعني امها وابوها ميتين مالها احد احسن
ارين : المفروض بس خالتي هما حنا رافضين يمكن اخذت المساله اعناد
لارا : ليه هي هبلا تاخذ المسالة عناد
ارين : ياالله بعدين اكلمك اغاريد فوقي تقول خلصي
لارا : مع السلامه
ارين : مع السلامه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
عبير طول الوقت قاعدة تفكر في كلام جواد تحس انها استعجلت في فكرة تاخذ بنت من الدار حست انها راح تاذيها ومن قرارها وانها انانيه فكرت في نفسها وما فكرت في البنت كيف راح تعيش كيف راح تواجه العالم محد مأيدها غير هناء اهلها كلهم ماراح يرضون وكيف راح تتزوج مادام اهلها كلهم رافضين فااكيد الناس راح يرفضونها وماراح تتزوج يارب ساعدني يارب مادري اذا اخذت القرار الصح ولا لا كيف راح اواجه المجتمع واقولهم هذي البنت لقيطة وكيف راح تعيش معهم راح يتقبلونها ولا راح يضايقونها...؟؟؟ بس انا خلاص ما اقدر اجيب العيال ما فية آمل ابي بنت تعيش معي وتقولي يمه ليه الناس مسكثرين علي حتى فرحتي انه يكون عندي بنت ليه يارب وصلت صلاة الاستخارة وبعدها ارتاحت وطوت السجادة ونامت .......
وطلعت الشمس معلنه يوم جديد حافل بالمسرات والاحزان ,,,,,,
قامت وشافت الساعة عشر الصبح وقامت وغسلت وجهها وراحت تشوف زوجها وينه طلعت وعلى طلعتها دخل زوجها توه جاي من برا
عبد الرحمن : السلام عليكم
عبير : وعليكم السلام .. عبدالرحمن وين كنت
عبد الرحمن : رحت اجيب فطور
عبير ناظرة في الساعه لقتها عشر وربع : هذا وقت فطور
عبد الرحمن : وش نسوي ما قمنا الامتاخرين
عبير : طيب متى تتغداء
عبد الرحمن : مو لازم خلاص يكفي الفطور ونتعشى والحمدلله
عبير : طيب جبت خبز لان ما فيه
عبد الرحمن : لا ما جبت على بال ما تخلصين الفطور اروح اجيب خبز
عبير وهي رايحه للمطبخ : ياالله لا تتاخر
عبد الرحمن : طيب وانتي استعجلي
عبير : ان شاء الله
طلع عبد الرحمن يجيب من الخباز خبز علشان يفطرون وبعد
مارجع لقى كل شي جاهز على الطلب وزيادة
عبد الرحمن : الله ريحة الاكل مرة تشهي الله يسلم هاليدين
عبير : الله يسلمك روح غسل قبل مايبرد الاكل
عبدالرحمن : ياالله ..... غسل وجلس وقعدو يفطرون وهم ياكلون سال عبدالرحمن عبير عن البنت اللي في الدار : اقول عبير شفتي البنت اللي في الدار
عبير : ايه شفتها ليه ؟؟..
عبد الرحمن : ارتحتي لها ..؟
عبير : يعني بس مو على طول ارتاح لها وحتى هي كمان ما اظن على طول ارتاحت لي
عبدالرحمن : طيب حستي انها انسانه طيبه وحبوبه مؤدبه او غيركذا يعني
عبير : لا بالعكس كنت مرة مؤدبه وخجولة واضح انها حيويه وطيوبه مع اني ماتكلمت كثير لانة مافيه فرصه..
عبدالرحمن : ليه مافيه فرصه..؟؟
عبير : لاني شفتها قبل ما أسافر بدقايق
عبدالرحمن : اهااا يعني ما أمداك تحكمين عليها
عبير : لا ما امداني
عبدالرحمن : الحمدلله انعم الله عليك
عبير : صحة وعافيه
عبدالرحمن : على قلبك
راح عبدالرحمن علشان يغسل وعبير قامت تضف الفطور الموجود على الطولة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
نرجع لعائلة ابوجواد كان الجو عندهم جنان يعني السماء زرقاء وشمس غايبه الجو غيم والهواء لا هو بارد ولا حر الجو معتدل يناسب طلعات البر
جاء ابو جواد ولقى قدامه ام جواد : السلام عليكم
ام جواد : وعليكم السلام
ابو جواد : اقول كل شي جاهز مو تنسون شي
ام جواد : ايه كل شي جاهز
ابوجواد : ايه مو اذا رحنا قلتي نسيت ونسيت
ام جواد : ايه قلت ما نسيت وش بلاك اليوم مانمت زين
ابوجواد : وش دخل النوم
ام جواد : لانك دخلت علي تهاوش خلصتي ما خلصتي نسيتي ما نسيتي
ابوجواد : ايه علشان ما تنسين
ام جواد : لو ما نسيت انت كذا تنسيني
على دخلت ليال عليهم : وش سالفتكم اليوم واصل حسكم للجيران
ابوجواد : مادري عن امك اساليها
ام جواد : وانا وش قلت
ابو جواد : ابد سلامتك ماقلتي شي انا اللي قلت
ليال : خلاص هدو تدرون اليوم بروح للبر وشوله كل هالهواش هدو اعصابكم
وراحت ام جواد وخلت ابو جواد مع ليال علشان تخلص شغلها
ابوجواد : شفتي راحت
ليال : ههههههههههههههههههههههههه ياحليلكم والله فات جواد هههههههههههههههههههههههه
ابو جواد : ليه حنا فرجه
ليال : العفو يبه بس ما شفت شلون اشكالكم وانتم تتهاوشون
ابوجواد : ومن قال ان حنا متهاوشين
ليال : واصواتكم اللي تو طالعه وهذا وشو
ابوجواد : ابد سوء تفاهم
ليال وهي كاتمه ضحكتها : وكل هذا سوء تفاهم
ابوجواد : ايه يعني اكذب عليك
ليال : ابد مين قال الله يهديك يبه
ابوجواد : يا الله روحي جهزي نفسك شوي ونطلع من البيت
ليال وهي رايحه كانت تضحك على اهلها : ان شاء الله
وطلعت لغرفتها وهي داخله كان جوالها يرن وراحت تشوف مين يكلمها وشافت الشاشه لارا يتصل بك وردت على طول
ليال : الو
لارا : وينك يادبا لي ساعة ادق وتوك تردين كان مارديتي
ليال : الناس تسلم اول وانتي تهاوشين
لارا : ايه لانك مو انتي اللي قاعدة تنتظرين
ليال : طيب يا حلوة وش عندك
لارا : وش نسوي هناك
ليال : وانا وش يدريني اهم شي نركب دبابات
لارا : ياحبيبتي هذا اهم شي قصدي اول ما نروح وش نسوي
ليال : طيب انتي كلمتي البنات
لارا : ولا وحدة منهم ردت
ليال : هههههههههههههههههههههههههههههه
لارا : وش عندك تضحكين هااااه
ليال : لان ولا وحدة ردت عليك ههههههههههههههههههه
لارا : وهذا اللي مضحكك بس هذا يقهر مايضحك
ليال : لاني تو اضحك على امي وابوي فاتك نص عمرك والله اشكالهم تفطس من الضحك متحمسين حيل
لارا : عندنا وعندكم خير انتي ما شفتي امي وابوي بعد والله حالتهم صعبه يتهاوشون عند التجهيز لطلعه
ليال : ههههههههههههههه مثل امي وابوي والله هههههههههه
لارا : هههههههههههههههههه المهم قولي وش نسوي
ليال : مادري كلمي البنات وبعدين ردي لي لان امي تناديني مادري وش عندها خلاص
لارا : خلاص ياالله
ليال : مع السلامه
لارا كلمت على ارين بس مو على طول ردت عليها
ارين نصها نوم : الوو
لارا : ماشاء الله الناس تتجهز للبر وانتي نايمه ياالله قومي ياكسولة ياالله
ارين : لارا وشتبين خلصيني
لارا : والله ياالله اشوف قومي يالله بلا كسل
ارين : وانتي وش دخلك مني


*



*



*


*



*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ادخلي ولا انتي بتندمين روايه من اروع الروايات الي قريتهم{معنات لقيطه}
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جوجو للبنات فقط :: المنتديات الادبية :: قسم القصص و الروايات-
انتقل الى: